жаңалықтар

📍 НЗМ-ГЕ ТҮСУ ҮШІН ҚҰЖАТТАРДЫ ҚАБЫЛДАУ БАСТАЛАДЫ ‼

2022 жылдың 5 қаңтарынан бастап Нұр-Сұлтан қаласындағы Назарбаев Зияткерлік мектебінде (2022-2023 жаңа оқу жылына) жалпы білім беретін мектептердің 6 сынып оқушыларын конкурстық іріктеу негізінде 7 сыныпқа қабылдау үшін үміткерлерден құжаттарды қабылдау басталады.

🖊 Қабылдау комиссиясына ұсынылатын құжаттар тізімі:

• Конкурсқа қатысуға өтініш және сауалнама (қабылдау комиссиясында толтырылады)
• Үміткердің ЖСН нөмірі көрсетілген туу туралы куәлігінің көшірмесі;
• Үміткердің ата-анасының (заңды өкілінің) жеке басын куәландыратын құжаттардың көшірмесі;
• Үміткердің 5 сыныпты ақятағаны туралы жылдық табельдің және 6 тоқсанның І/ІІ тоқсанын аяқтағаны туралы табельдердің көшірмесі; (табельде мектеп директорының қолы және білім беру ұйымының мөрі болуы қажет)
• Үміткердің қабылдау комиссиясында түскен 3х4 форматындағы 1 дана электронды фотосы (түсіру тегін)
• Құжаттарды сақтайтын пластикалық файл папкасы;

❗ Құжаттар 2022 жылдың 21 ақпанына дейін қабылданады.

Қабылдау комиссиясының жұмыс кестесі: дүйсенбі-жұма сағат 09: 00-ден 18: 00-ге дейін (түскі үзіліс 12: 30-дан 13: 30-ға дейін). Сенбіде сағат 09:00-ден 13:00-ге дейін. Жексенбі демалыс!

🚷 Қабылдау комиссиясына 1 ата-ана және үміткер келеді. Келушілерде бетперденің болуы және әлеуметтік ара-қашықтықты сақтауы талап етіледі.

Вирустық инфекцияның алғашқы белгілерін байқасаңыз қабылдау комиссиясына медициналық тексеруден кейін келуіңізді сұраймыз.

Талапкерлердің ата-аналары тиісті құжаттарды жинаған соң алдымен мектептің www.nisa.edu.kz  ресми сайтында қабылдау комиссиясына баратын күнді белгілеуі қажет. Бұл келушілердің уақытын үнемдеуге және топ болып жиналуға жол бермеуге мүмкіндік береді. Конкурстық іріктеуге ұсынылатын қажетті құжаттар тізімі мен қабылдау комиссиясына жазылудың тәртібі Нұр-Сұлтан қаласы Назарбаев Зияткерлік мектебінің ресми сайтында (“Үміткерлерге” бөлімі, “Қабылдау комиссиясына баруды брондау”).