Мектеп қауымдастығы сіздерді «Соңғы қоңырау» мерекесімен шын жүректен құттықтайды!

Нұр-Сұлтан қаласындағы Назарбаев Зияткерлік мектебінде күміс қоңыраудың сыңғыры онлайн режимінде естіліп, экран алдындағы жұртшылық алтын ұя мектебінен түлеп ұшқалы отырған 165 түлекке сәт сапар тіледі.

Жиын басында мектеп директоры Сабыржан Садуакасов пен өзін-өзі басқару ұйымының Президенті Жәния Кеңес құттықтау сөз айтып, мектептің жыл ішіндегі түрлі бағыттағы жетістіктерін атап өтті.