2021 жылдың 11 маусым күні Нұр-Сұлтан қаласындағы Назарбаев Зияткерлік мектебінде №5 педагогикалық кеңесінің кезекті отырысы өтті.

Аталмыш жиын қашықтан Google Meet және Youtube платформаларында өткізілді. Басқосу «2020-2021 оқу жылын аяқтау» тақырыбындағы маңызды мәселелерді қамтыды.

Педагогикалық кеңестің күн тәртібіндегі мәселелер:

1. 2020-2021 оқу жылының І, ІІ семестрлер және жылдық бағаларды салыстыра отырып талдау нәтижелері;

2. 7-11 сынып оқушыларын сыныптан сыныпқа көшіру;

3. 2020-2021 оқу жылындағы зияткерлік мектептің даму жоспарын талдау және 2021-2022 оқу жылына арналған негізгі міндеттер;

4. Оқушылардың жазғы демалысын ұйымдастыру

Жиынды мектеп директоры Сабыржан Садуакасов ашып, №2 педагогикалық кеңес шешімінің орындалуы туралы мәліметпен таныстырды. Мектебіміздің білім сапасы, үлгерім есебі және ағымдағы жоспарлар мен міндеттердің жүзеге асырылуы туралы директор орынбасарларының есебі тыңдалды.

Сондай-ақ, педагогикалық кеңесте қашықтан оқыту жүйесіне байланысты қосымша түсіндірме жұмыстары жүргізіліп, оқушы, мұғалім және ата-ана арасындағы байланыс жайында өзекті мәселелер кеңінен қарастырылды.

Педагогикалық кеңес соңында мектептің дамуында, қоғамдағы беделін арттыруда, мектеп миссиясына қол жеткізудегі белсенділігі үшін бірқатар мұғалімдер Алғыс хатпен марапатталды.

Онлайн режимде өткізілген жиынға педагогикалық кеңестің мүшелері болып табылатын 196 адам толығымен қатысты.