Байқаудың мақсаты – жаңа жағдайда қазақстандық мектептерді ақпараттық қолдау: қазіргі білім берудегі жаһандық трендтер; үздік отандық дәстүрлер мен халықаралық тәжірибені біріктіру; нақты педагогтар мен ұжымдардың кәсіби жетістіктерін еліміздің орта білім беру жүйесіне тарату; сандық дәуір мен жасанды интеллект ғасырындағы мұғалімнің миссиясын өзгерту; мектеп пен отбасының табысты ынтымақтастығы, балаға игілікті және достас орта құру.

 

Байқаудың қазылар алқасы: Аида Балаева – Ақпарат және қоғамдық даму министрі;

Бауыржан Омаров – Қазақстан Республикасы Президентінің кеңесшісі, Ұлттық Ғылым академиясының академигі;

Дархан Қыдырәлі – «Egemen Qazaqstan» республикалық газеті» акционерлік қоғамының басқарма төрағасы;

Тимур Асланов – «Пресс-служба» журналының бас редакторы, «Пресс-служба года» халықаралық байқауының қазылар алқасының төрағасы (Ресей Федерациясы);

Мира Алипинова – «Назарбаев Зияткерлік мектептері» дербес білім беру ұйымы баспасөз қызметінің басшысы.

Байқауға өңірлік, республикалық және шетелдік газеттердің, сайттардың, порталдардың, радиокомпаниялардың, телеарналардың, ақпараттық агенттіктердің журналистері, сондай-ақ журналист-фрилансерлер қатыса алады.

 

2021 жылы байқауға 2018 жылғы 1 маусымнан 2021 жылғы 1 маусымға дейін қазақстандық және шетелдік БАҚ-та жарияланған немесе эфирге шыққан талдамалық материалдар қабылданады.

Бірінші кезең – материалдарды қабылдау (2021 жылғы 25 мамырдан 15 маусымға дейін)

Екінші кезең – қорытынды шығару (2021 жылғы 15 маусымнан 20 маусымға дейін)

Үшінші кезең – жеңімпаздарды марапаттау (2021 жылғы 20 маусымнан 28 маусымға дейін)

Байқау қорытындысы бойынша әртүрлі номинацияларда он жеңімпаз және он лауреат аталады.

Қазақтың ұлы ғалымы және ұстазы Ыбырай Алтынсариннің туғанына 180 жыл толуына орай «Шамшырақ» арнайы номинациясы бекітілді.

Барлық жеңімпаздар мен лауреаттар дипломдармен, бағалы сыйлықтармен, байқаудың символикасы бар кәдесыйлармен марапатталады.

 

Байқауды өткізу шарттары

Байқауға әртүрлі жанрдағы материалдар – мақалалар, очерктер, талдамалық шолулар, сұхбаттар қабылданады (баспа материалдарының көлемі 12 000 белгіден аспауы тиіс). Материалдар қазақ, орыс және ағылшын тілдерінде қабылданады.

Байқауға өңірлік, республикалық немесе халықаралық БАҚ-та жарияланған немесе эфирге шыққан материалдар ұсынылуы тиіс. Баспа материалдарының авторлары мақалалардың түпнұсқалары мен скрин-шоттарын (басылымның атауымен, жарияланған күнімен), интернет-жарияланымдар – скрин-шоттар мен сілтемелерді (БАҚ атауымен, жарияланған күнімен), радио және телевизия материалдарын – электрондық тасығыштарда, сондай-ақ скрин-шоттар мен сілтемелерді (БАҚ атауымен, эфирге шыққан күнімен) ұсынуы тиіс.

 

Конкурсқа ұсынылған жарияланымдар рецензияланбайды және қайтарылмайды.

Материалдар 2021 жылғы 15 маусым Нұр-Сұлтан қаласының уақыты бойынша сағат 18.00-ге дейін қабылданады.

Байқау материалдары төмендегі мекенжай бойынша қабылданады:

010000, Нұр-Сұлтан қаласы, Хусейн бен Талал көшесі, 21/1, 310-кеңсе, Баспасөз қызметі («Байқауға» белгісімен) немесе электронды поштаға mediakonkurs2021@nis.edu.kz.

Қосымша ақпарат алу үшін: NIS баспасөз қызметі 8 (7172) 23 57 00 (ішкі 1118, 1117),

Сандуғаш Кожина 8 707 503 9005, kozhina_s@nis.edu.kz

Ергали Рамазанулы 8 775 258 9933, ramazanuly_e@nis.edu.kz