“Blooming bouquet” сән көрсетілім

Астана қаласы Назарбаев Зияткерлік мектебінің дарынды оқушылары Меңдібай Тимур мен Мұхамеджанова Аружан өздерінің жеке жобалары аясында көрермендерге “Blooming bouquet” сән көрсетілімінде керемет коллекциялар ұсынды.

Аружан “әйел – өмір гүлі” топтамасы – еліміздің көрнекті тұлғаларына терең тағзым. Бейнелер Қазақстанның мәдениеті мен дамуына үлес қосқан әйелдерге арналған. Атақты композитор Дина Нұрпейісовадан бастап ұшқыш Хиуаз Доспановаға дейін әр образ өзінің даралығымен қуантты.

Өткен ғасырдың сәніне негізделген Тимур топтамасы 60-шы, 70-ші, 80-ші, 90-шы, 2000-шы және қазіргі заманғы стильдерді біріктіретін заманауи көріністерді ұсынды. Көрермендер әр түрлі дәуірлердің ерекше үйлесіміне құмар болды, бұл коллекцияға ерекше сүйкімділік пен қуаныш сыйлады.

9 ай бойы тынымсыз жұмыс істей отырып, бұл талантты студенттер өздерінің жастығына қарамастан әсерлі жетістікке жетіп, армандарын шындыққа айналдыра алды.

Сонымен қатар, көрермендер тек авторлық жинақтарды ғана емес,  іс-шараның әртүрлі бағдарламаларын тамашалай алды. Мектептің чирлидерлері Ib Cheer-дің қайталанбас қойылымы, мектептің алтын дауыстары Ерматқызы Айбиби мен Бейсембаева Сабинаның орындауында, сондай-ақ “It girls” тобының қызықты билері осы кешке жарқын түс қосты.

Бұл кеш олардың шығармашылық мансабындағы жаңа кезең болсын!