Назарбаев Зияткерлік мектептерінің 7-сыныптарында білім алу үшін «Өркен» білім беру грантын тағайындау нәтижелері

Республикалық комиссия отырысында физика-математикалық бағыттағы Нұр-Сұлтан, Алматы, Ақтөбе, Көкшетау, Қостанай, Семей, Талдықорған, Тараз, Орал, Шымкент қалаларындағы, химия-биологиялық бағыттағы Ақтау, Алматы, Атырау, Қарағанды, Қызылорда, Павлодар, Петропавл, Түркістан, Өскемен, Шымкент қалаларындағы Назарбаев Зияткерлік мектептерінде және Нұр-Сұлтан қаласындағы Назарбаев Зияткерлік мектебінде 2022-2023 оқу жылында қазақ және орыс тілдеріндегі 7 сыныптарынан бастап білім алуға іріктеу конкурсының қорытындысы шығарылды.

24 045 үміткер «Өркен» білім беру грантын тағайындау конкурсына қатысты. Өткізілген кешенді тестілеу нәтижелері бойынша «Математика» және «Сандық сипаттамалар» бөлімдері бойынша шектеулі деңгейді жинаған 10 452 үміткер «Өркен» білім беру грантын тағайындау жөніндегі Республикалық комиссияның қарауына жіберілді.

Республикалық комиссия отырысының нәтижесінде 2022-2023 оқу жылынан бастап Назарбаев Зияткерлік мектептерінің 7 сыныптарында білім алу үшін 2 728 үміткер «Өркен» білім беру грантының иегері атанды. 7 724 үміткер резервтік тізімге енгізілді.

Үміткердің жеке нәтижелерін көру үшін:  https://res.nis.edu.kz  сайтында «Менің нәтижелерім» батырмасына басып, тестіленушінің сәйкестендіру коды (ТСК) мен жеке сәйкестендіру нөмірін (ЖСН) енгізу қажет.